Isa peyğəmbər nə vaxt doğulub?

İsa təxminən miladdan 4 və ya 5 il əvvəl doğulub! 

Bu qəribəliyin səbəbkarı məlumdur: onun adı Dionysius Exiguus (Balaca Denis)-dir. Bu bilikli keşiş  VI  əsrdə yaşayıb. Lakin o dövrdə hələ " VI əsr" deyilmirdi. İllərin təqvimi hesaba alınması hələ İsanın doğulması ilə deyil, daha qədim bir ənənəyə əsaslanırdı : Roma imperiyasının əsasının qoyulması ilə. Bugün biz 500-cü il (m.s) nəzərdə tutanda bu, o dövrdə 1252-ci il ( Roma-dan sonra) kimi bilinirdi. 1277-ci ildə (r.s) Denis İsanın həyatının xronologiyasını hazırlayır və bunu papa I Jean'a təqdim edir. Onun fikrinə görə İsa 25 dekabr 753-cü ildə (r.s) anadan olmuşdur. Daha sonra, təqvim İsanın anadan olması ilə hesablanmağa başlandı. Problem ondadır ki, Denis bir neçə ili diqqətdən qaçırmışdı. Yeni hesablamalara görə əslində İsa kral Herod-un öldüyü il artıq doğulmuşdu. Kralın ölümü isə tarixi mənbələrə görə eramızdan əvvəl 4-cü ildə baş verib, deməli İsa miladdan əvvəl dünyaya gəlib.

Bütün dinlər təqvimi İsanın doğulması ilə hesablayır. Düz yoxsa səhv?

Səhvdir. Yəhudi kalendarına görə tarix dünyanın yaradılışından hesablanır. İslamda isə Məhəmməd peyğəmbərin Məkkədən Mədinəyə köç etdiyi tarix əsas götürülür. Yəni 2012-ci il iudaizmdə 5771-ci, islamda isə 1432-ci ilə uyğundur.

Müqəddəs Valentin və məhəbbət

Nə üçün müqəddəs Valentin eşqə düşənlərin sahibi hesab edilir? 

Əslində bunun səbəbini bilmək yetərincə çətindir. Valentinlə bağlı müxtəlif hekayələr olsa da, nisbətən qısa və maraqlı olanı. Eramızın 268-ci ilində Roma imperatoru II Claude ölkədə evlənməyi qadağan etmək istəyir. O inanırdı ki, evli kişilər sevgililəri haqda lazımından çox düşünür və bu onları pis əsgər edir. Keşiş Valentin isə nişanlıları evləndirməkdə davam edir. Keşiş saxlanılır, həbs olunur və sonra başı kəsilir. Onu daha sonra sitayişə çevrilən Flaminia yolu  boyu basdırırlar . Bəs sevgi bayramının tarixçəsi budur? Bəlkə də, bunu dəqiq demək mümkün deyil. Çünki Valentindən əvvəl fevral ayının ortaları məhəbbətə həsr olunurdu. Romada o vaxtlar Lupercalia və məhsuldarlıq bayramları keçirilirdi. Nişanlılar isə bundan istifadə edib öz evlilik tələblərini edirdilər....Lakin bəlkə də Müqəddəs Valentinin mənşəyi daha qədimə gedib çıxır. Bəlkə də sadəcə olaraq bu təbiətə olan müşahidədən doğub : fevralın ortası quşlar çiftləşməyə başlayırlar .

Bundan başqa, nəyə görə gənc qızlar Müqəddəs Valentin günü quşları müşahidə edirlər?

Qədim inanca görə 14 fevralda ilk gördüyü quş gənc qızlara onların gələcək ərləri haqda işarə verirmiş. Belə ki, robin dənizçi, sərçə az imkanlı biri ilə xoşbəxt həyat, saka quşu isə varlı bir kişi ilə toy mənasına gəlirdi.

P.S nəzərə alsaq ki, bizim ölkədə sərçədən bol heç nə yoxdur. Onda demək hamı xoşbəxtdir )))